«Ақтөбе-2014» командалық-штабтық жаттығуы өтті

Азаматтық қорғаныс саласы мамандарының төтенше жағдайларға әзірлігі қалай? Ақтөбеде өткен командалық-штабтық оқу-жаттығулары кезінде мамандар өз дайындықтарын көрсетті. Газ тарату мекемесінің полигонында  республиканың әр аймағынан келген мамандар апатты жағдайлардың алдын алудағы тәжірибелерімен бөлісті.

Командалық-штабтық жаттығуларға өңірдегі мұнай өндірумен айналысатын мекемелер де қатысты. 8 техника мен  30 адам жұмылдырылды.

«Апат айтып келмейді». Төтенше жағдай кезінде азаматтық қорғаныс саласының қызметкерлері ұйымдасқан түрде бірлесе қимылдауы қажет. Сондықтан, бұл оқу-жаттығу шарасы арқылы мамандар шеберліктерін шыңдап, тәжірибелерімен бөлісуге мүмкіндік алып отыр.

Жақсыбек КЕМАЛ