Францияның солтүстігін қар басты

Францияға «Шығыстан келген жыртқыш» оралды. Бірнеше күнге созылған көктем лебінен кейін елдің солтүстік аймақтарына және Парижге қайта суық жетті. Бұл жақтарды қалың қар басып, ауа температурасы нөл градусқа дейін төмендеді. Ал, «ертең сынап бағанасы минус үш градусты көрсетеді», деп болжамдап отыр жергілікті синоптиктер.

Наурызда күн райының мұнша құбылуы француздар үшін мүлдем таңсық. Алайда, тау шаңғысы курорттары үшін бұл жақсы жаңалық. Өйткені, олар бизнестерін тағы бірнеше күнге созу мүмкіндігіне ие болып отыр.

Мадина РАХЫМБЕК