Бейжің АҚШ-тың 128 тауарына салынатын баж салығын көтерді

Қытай Халықтық Республикасы Мемлекеттік кеңесінің бұл шешімі туралы елдің Қаржы министрі хабарлады. Бұдан былай елге Америкадан әкелінген жеміс-жидектер, шарап пен жаңғақтарға 15 пайыз, ал, шошқа еті мен одан жасалған өнімдерге 25 пайыз көлемінде салық салынатын болады. Министрдің сөзінше, осылайша билік АҚШ-тың қолға алған шарасынан ел экономикасына келтірілген шығындардың орнын толтырмақ. Жақында Құрама Штаттар болат пен алюминийден жасалған қытайлық бұйымдарға өзгеше тариф орнатқан болатын.

Мадина РАХЫМБЕК