Басты Жаңалықтар Елімізде техногендік сипаттағы болуы мүмкін апаттар туралы алдын-ала дабыл қағыла ма?

Елімізде техногендік сипаттағы болуы мүмкін апаттар туралы алдын-ала дабыл қағыла ма?

22.09.2019 19:56

Қарағанды облысындағы Атасу кенті мен Мұқажан Жұмажанов атындағы ауылдың арасын темір жол бөліп жатыр. Осы аралықтан күнде жүздеген адам жаяу қатынайды. Көпір салынбағандықтан, тұрғындар шойын жолдан жанын шүберекке түйіп өтуге мәжбүр. Әсіресе аудан орталығындағы мектепке баратын баласы үшін жұрт қатты алаңдайды. Кейде қаз-қатар тізілген вагондар станцияда сағаттап тұруы мүмкін. Ондай кезде шаруасына асыққан тұрғындардың вагонның астынан өтуден басқа амалы жоқ. Жергілікті халықтың айтуынша, осы күнге дейін теміржолдан ондаған адам жарақат алып, көпшілігі мүгедек болып қалған.

Елімізде техногендік сипаттағы болуы мүмкін апаттар туралы алдын-ала дабыл қағыла ма? Бас прокурордың орынбасарынан сұрап едік, «иә» деді. «Алматы облысында апат болған жер туралы да алдын-ала ескерткенбіз»,-дейді. Демек, атқарушы билік апаттардың алдын-алуға асықпайды, аса мән бермейді. Соңында «пеш жағушы» кінәлі болып шығып жатады.

Қарағанды облысы Шахан кентінде 5 қабатты үйдің жылыту қазандығы жарылып, 9 адам мерт болғанда құрылған комиссия апатқа сол үйдің пеш жағушысын кінәлі деп тапқаны мәлім. Ол жоғалып кетіп, кейін үсік шалған мәйіті даладан табылған. Айтпақшы, Шаханда қалалық қазандық салынып жатыр. 10 адам құрбан болған оқиғадан кейін...

Бөлісу