Беларусьта коронавирустан қаза тапқандар саны 131-ге жетті

Беларусьта бүгін 10 мамырдағы мәлімет бойынша, коронавирустан қаза тапқандар саны 131-ге жетті, індетке 22 мың 973 адам шалдыққан. Өздеріндегі «Стоп ковид» деген ресми сайттан алдық. Ал Беларусь мемлекетінің Covid-19 вирусының таралуына қарамай, әскери парад өткізгені мәлім. Солай жасайтынын Беларусь басшысы алдын-ала мәлімдеді, ешкімді зорлықпен апармайтынын да айтты.

Дегенмен дүниежүзілік ақпарат құралдарында, мәселен, Би-Би-Си-де студенттерге «парадқа барса, сабақ бойынша қарыздары кешірілетіні» айтылған хабарлама түскені жазылды. Ал кейбір сарапшылар: «Бұл Мәскеудің парад өткізбейтініне орай, жеңісті меншіктеудің сәтін ұтымды пайдалану»,- деп пікір білдірген.