ШЫҰ Сыртқы істер министрлері Ауғанстан мәселесін талқылады

Тәжікстан астанасы Душанбеде Шанхай Ынтымақтастық ұйымы елдерінің сыртқы істер министрлері кеңесінің отырысы өтті. Дипломаттар ұйымның 20 жыл ішіндегі қызметін қорытындылап, халықаралық және өңірлік өзекті мәселелерді талқылады. Бұған қоса, «ШЫҰ – Ауғанстан» Байланыс тобының отырысында Ауғанстандағы жағдай талқыланды. Сыртқы істер министрлері жауласушы тараптарды республика шекарасындағы аудандарға тұрақсыздық әкелетін әрекеттерге бармауға, күш қолданбауға үндеді. Отырыс қорытындысы бойынша қабылданған бірлескен мәлімдемеде Шанхай Ынтымақтастық ұйымына мүше елдердің терроризм, сепаратизм мен экстремизмге қарсы күш біріктіруі маңызды екені айтылған. 

Арай Төлегенқызы