Түркияның солтүстік-шығысында су тасқыны жүрді

Түркияның солтүстік-шығысындағы екі провинцияда дамылсыз нөсер жауып, соңы тасқынға ұласты. Елдің төтенше жағдайлар және табиғи апаттар басқармасының мәліметінше, су басқан аудандарда іздеу-құтқару операциясы жүріп жатыр. 200-дей тұрғын қауіпсіз жерге көшірілген. Тасқын кезінде 2 адам жараланды. Түркияның Қара теңіз жағалауында жылдың осы мезгілінде су тасқыны жиі болып тұрады. Өткен аптада Ризе провинциясында болған топаннан 6 адам қаза тауып, екі тұрғын ұшты-күйлі жоғалып кетті. 

Арай Төлегенқызы