АҚШ-та коронавирус жұқтырғандар саны 40 миллионнан асты

Америка Құрама Штаттарында коронавирус жұқтырғандардың жалпы саны 40 миллионнан асты. Инфекцияға шалдыққандардың көбеюіне Дельта штамының өрши түсуі себепші. Ковид жұқтыру оқиғалары бойынша Калифорния, Техас, Флорида және Нью-Йорк штаттары алда тұр.

Ал, Австралияның Сиднейінде үшінші күн қатарынан мұндай науқастар санының тәуліктік көрсеткіші азайып жатыр. Ал, вакциналау қарқыны соңғы күндері үдей түскен. Дегенмен, жергілікті билік мегаполис тұрғындарының 80 пайызы толықтай иммундалғанда ғана шектеу шараларын жеңілдететінін мәлімдеді. Айта кетсек, қалада локдаун 11-ші аптаға ұласты. Рейтердің хабарлауынша, Сиднейдің ересек тұрғындарының 80 пайызы коронавирусқа қарсы екпенің бірінші компонентін алған. 

Арай Төлегенқызы