Испанияда күшті нөсер соңы алапат су тасқынына ұласты

Испанияда күшті нөсер соңы алапат су тасқынына ұласты. Елдің оңтүстік және батыс өңірлерінде жолдарды топан су жайлап, көшелер өзенге айналған. Темір жол қатынасы да үзілді. Ал, тұрғындардың мүліктерін су шайып әкеткен. Билік өкілдері тасқын кезінде жоғалған заттардың қауіпті бактериялармен ластанғанын айтып, оларды қайта пайдаланбауға кеңес беріп отыр.

Жаңбырдан бөлек кейбір аудандарда бұршақ жауған. Жүзім, құрма және цитрус алқаптары зақымданды. Алдын ала мәліметтерге сай, табиғи апаттан шаруаларға 8 млн еуродай шығын келген. 

Арай Төлегенқызы