Үндістанның Уттар-Прадеш штатындағы қақтығыстан 8 адам қаза тапты

Үндістанның Уттар-Прадеш штатында қақтығыс болып, 8 адам қаза тапты. Тәртіпсіздіктер жексенбіде елдің жоғары шенді тұлғаларының сапарынан кейін басталған. Рейтердің  мәліметінше, Үндістанның ішкі істер министрінің кортежі екі фермерді қағып өлтірген.

Айта кетсек, сол күні бір топ шаруа көшеге шығып, министрдің келуіне қарсы шерулетіп жатқан еді. Екі кісінің өлімі үшін кек алу мақсатында наразы топ бірнеше автокөлікке от қойған.

Үндістанда фермерлер былтырғы қарашадан бері наразылық акциясын үзбей өткізіп келеді. Олардың биліктен талабы - ауылшаруашылығы саласына қатысты жаңа заңның күшін жою. Шерушілердің сөзінше, бұл реформа бұрынғы табыс табу механизмінен айыруы мүмкін. 

Арай Төлегенқызы