Австралияда бір тәулікте 1838 адам коронавирус жұқтырды

Австралияда коронавирус жұқтырғандардың саны өсіп жатыр. Виктория штатында соңғы бір тәулікте ковид 1838 адамнан анықталып, одан 5 адам қайтыс болған. Ал, Мельбурнда ауруханаларға салмақ түсіп, фельдшерлерге көмекке елдің қорғаныс күштері тартылды. Дельта нұсқасының өршуінен тұрғындар бірнеше ай бойы локдаун режимінде өмір сүріп жатыр.

Ал, Швейцарияның Берн қаласында наразылық акциясы өтті. Шерушілер коронавирусқа қарсы жарияланған карантиндік шектеулерді алып тастауды талап етті. Оларды тарату үшін полиция резеңке оқтар мен су атқыштар қолданған. Соған қарамастан, ашынған топ Берннің темір жол станциясын басып алды. 

Арай Төлегенқызы