Бельгияда 2025 жылға қарай екі атом электр станциясы жабылады

Бельгия үкіметі 2025 жылға қарай елдегі екі атом электр станциясын жаппақ. Бұл туралы «Рейтер» агенттігі хабарлады. Мәселе бірнеше жылдан бері шешілмей келе жатқан еді. Қазір Доэль мен Тиханже қалаларында 7 атом реакторы бар екі зауыт жұмыс істеп тұр. Олардың қызметі 2022 жылдан бастап біртіндеп тоқтатыла бастайды. Айта кетсек, екі атом электр станциясы Бельгиядағы электр қуатының жартысына жуығын өндіреді. Олар жабылған соң энергия тапшылығын болдырмау үшін елде екі газ электр станциясы салынуы мүмкін.

Арай Төлегенқызы