Үндістанда дәрігерлер шеруге шықты

Үндістанда ақ халаттылар шеруге шықты. Демонстранттар жас мамандарды даярлайтын бағдарламаны жеделдетуді талап етті. Себебі коронавирус пандемиясына орай студенттердің емтихан тапсыру уақыты кейінге қалдырылып келеді. Соның салдарынан медициналық мекемелерде 45 мыңдай қызметкер жетіспейді. Оның үстіне эпидахуал тұрақсыз болғандықтан, ауруханаларға ауыр салмақ түсуі мүмкін. Ал, Нью-Дели әкімшілігі «Омикронның» тарауына орай сағат кешкі 11-ден таңғы 5-ке дейін коменданттық сағат енгізді. Себебі қалада соңғы бірнеше күнде ковидке шалдыққандардың саны күрт артқан.

Арай Төлегенқызы