Басты Жаңалықтар «Абайтану» ғылыми-танымдық орталығы Семейге саяхат ұйымдастырды

«Абайтану» ғылыми-танымдық орталығы Семейге саяхат ұйымдастырды

27.06.2014 08:00

Елімізде тарихи орындар мен қасиетті жерлер көп-ақ. Бірақ, соларға әдеби-мәдени саяхат ұйымдастыру әлі күнге дейін кенже қалып келеді.

Ал, Астанадағы «Абайтану» ғылыми-танымдық орталығы биыл үшінші жыл қатарынан ұлы Абайдың туған жеріне саяхат ұйымдастырды.

Елордадан шығып, ұлылар мекеніне бет түзеген топ Павлодарға соқты.

Зиялы қауыммен кездесіп, облыс орталығындағы өлкетану музейінде болды.

Қазаққа Абай, Шәкәрім, Мұхтардай данышпанды сыйлаған Семей топырағын көріп қайтуға бұрын оқушылар барса, осы жолы зиялы қауым өкілдері шығып отыр.

Жолсапар шығынын «Алтын қыран» Халықаралық қайырымдылық қоры көтерді.

Алмахан Мұхаметқалиқызы, «Абайтану» ғылыми-танымдық орталығының директоры:

Жылдан-жылға осы сапарға ынталылар көбейіп келеді. Мысалы, біздің құрамға жұртшылық тек Астана қаласынан ғана емес, Қарағанды, Павлодардан, Қызылордадан қосылды. Шымкенттен келмекші. Жалпы, руханиятты тану үшін, қазақтың ертеңі үшін өте қажет екенін халықтың өзі-ақ мойындатып жатыр.

Болат АМАНБАЕВ

Автор

Болат Аманбаев

Бөлісу