БҰҰ Бас Ассамблеясы Украина бойынша қарар қабылдады

БҰҰ-ның Бас Ассамблеясы Ресейдің Украинадағы іс-қимылын сынайтын және әскерін шұғыл шығаруды талап ететін қарар қабылдады. Құжатты 141 мемлекет қолдаған. Ресей, Беларусь, Сирия, Солтүстік Корея мен Эритрея қарсы шықты. Ал 35 мемлекет қалыс қалған.

Гаага трибуналы Ресейге қатысты тергеуді бастады

Сонымен бірге Халықаралық қылмыстық сот Ресейдің Украинадағы іс-қимылын тергеуді бастады. Бас прокурор Карим Хан Украинадағы жағдайға жасалған талдау нәтижесінде Гаага сотының юрисдикциясына жататын нақты оқиғалардың анықталғанын мәлімдеді. Айта кетсек, 38 мемлекет трибуналға Украинадағы іс-қимылдарға қатысты тергеуді бастауға өтініш білдірген еді.

Арай Төлегенқызы