Қырғыз-тәжік шекарасында бір тәулікте екінші мәрте атыс болды

Қырғыз-тәжік шекарасында соңғы тәулікте екінші мәрте атыс болды. Бұл туралы Қырғызстанның шекара қызметі хабарлады. Оқ ату өткен түнде тіркелді. Ал, екі елдің шекарашылары арасындағы бірінші атыс бейсенбі таңертең болған еді. Айта кетсек, қырғыз-тәжік шекарашылары бұған дейін былтыр сәуірде және биыл қаңтарда оқ атысты. Қарулы қақтығысқа екі ел арасындағы шекарада айқындалмаған учаскелердің болуы себеп.

Арай Төлегенқызы