Еуропа елдері Ресей газын еуромен немесе доллармен сатып алуды жалғастырады

Мұны Германия канцлері Олаф Шольц Ресей президенті Владимир Путинмен телефон арқылы сөйлескеннен кейін мәлімдеді. Кремль басшысы әңгіме барысында еуропалық серіктестер үшін ештеңе өзгермейтінін айтқан. Айтуынша, төлем еуромен жасалып, Газпромбанкке түскеннен кейін рубльге конвертацияланады. Дегенмен, Германия бұл процедура барынша түсінікті болу үшін жазбаша түрде ақпарат беруді сұраған. Бұған дейін Путин Еуропа елдерінен сәуірден бастап Ресейдің көгілдір отыны үшін рубльмен төлеуді талап еткен еді. Кейін Кремль бұл ұзаққа созылатын процесс және оған наурыздың 31-нен бастап көшу мүмкін емес деп мәлімдеді.

Арай Төлегенқызы