Еуроодақ елдері Ресейге қарсы санкциялардың алтыншы пакетін жариялап жатыр

Еуроодақ елдері Ресейге қарсы санкциялардың алтыншы пакетін жариялап жатыр. «Ресей мұнайынан жарты жылда, ал мұнай өнімдерінен жыл соңына дейін бас тартуды ұсынамыз»- деді Еурокомиссия басшысы Урсула фон дер Ляйен. Ресей мұнайына эмбарго жариялау арқылы Батыс елдері Мәскеуді бейбітшілікке мәжбүрлеуді көздейді. Айта кетсек, мұнай-газ саласы Ресейдің бюджеттік кірісінің жартысын қамтамасыз етеді. Бұл елге қарсы санкциялардың алтыншы легіне «Сбербанкті» SWIFT жүйесінен ажырату, ресейлік үш телеарнаның хабар таратуына тыйым салу кіреді. Жаңа шектеулердің мән-жайы кейін толық жария етілмек.

Арай Төлегенқызы