Референдум - шетелдік БАҚ назарында

Германияның «Дойче Велле» немесе «Неміс толқыны» телерадиокорпорациясы да еліміздегі саяси науқан туралы хабар таратты. Мақала авторы референдумға қатысты сұрақтарға рет-ретімен тоқтала кеткен. Оның дерегінше, референдумның артықшылықтарының бірі – қатардағы азаматтар саяси үрдістерге қатысуға, ал партиялар дамуға мүмкіндік алады. Сонымен бірге Конституцияға ұсынылып отырған өзгерістерге сай, партиялардың парламентке өту шегі 7-ден 5 пайызға дейін қысқаратыны туралы да назардан тыс қалмаған.

Қазақстандағы референдум жайында Ресейдің ТАСС агенттігі де ақпарат жариялады.

«Сәуірдің 29-да Қазақстан президенті Қасым-Жомарт Тоқаев Конституцияға өзгерістер мен толықтырулар енгізу бойынша референдум өткізуді ұсынды. Бұл түзетулер Мемлекет басшысының өкілеттігін шектейді, парламент пен жергілікті басқару органдарының өкілеттігін айтарлықтай кеңейтеді; адам құқығы саласын жүйелі түрде нығайтады; Конституциялық Сотты қалпына келтіру; өлім жазасын түпкілікті жояды», - деп хабарлайды материал авторы.

Арай Төлегенқызы