Иран астанасында Түркия мен Ресей президенттері кездеседі

Бүгін Иран астанасында Түркия президенті Реджеп Тайып Ердоған мен Ресей президенті Владимир Путин кездеседі.

Мемлекет басшылары Украина астығын Қара теңіз арқылы экспорттауды қалпына келтіру мәселесін талқыламақ. Сонымен бірге, тараптар Ердоғанның Сирияның солтүстігінде тағы бір әскери операция бастау туралы мәлімдемесін де қозғайды. Айта кетсек, Мәскеу Анкараның мұндай іс-қимылды жүргізу жоспарына қарсы. Тағы бір мәлімет: «Ресей, Украина, Түркия мен БҰҰ апта соңында Украина дәнді-дақылдарын теңіз арқылы экспорттауды жаңғыртуға қатысты ортақ мәлімдеме жасайды» деп күтілуде.         

Арай Төлегенқызы