Елордада «Ұлы дала сазы» атауымен этнофестиваль басталды

Бұл заманауи этникалық музыка жанрындағы ауқымды жоба. Әлемдік және дәстүрлі діндер көшбасшылары съезі қарсаңында ұйымдастырылған шара «Бәйтерек» монументінің қасында өтеді.

Асылбек Данияр, тілші:

Бұл фестивальдің басты қонақтары Діндер съезіне 50 елден арнайы келетін делегаттар болады деп жоспарланған. Оларға Қазақ елінің бай мәдениеті, әдет-ғұрпы мен салт-дәстүрі көрсетіледі. Этно-фольклорлық, дәстүрлі әншілер 5 күн бойы осында өз өнерін паш етеді. Этноауыл төрт ірі секторға бөлінген. 8 қанатты киіз үй тігіліп, алтыбақандар орнатылған. Сондай-ақ отандық қолөнер шеберелерінің көрмесі де ұйымдастырылған. Этноауыл таңғы сағат оннан кешкі жетіге дейін жұмыс істейді. Концерттік бағдарламалар кеші 6-дан 8-ге дейін жалғасады. Келушілер тек ауылды аралап қана қоймай, ұлттық ойындарға қатыса алады. Ал этноауыл ресми түрде сағат 15:00-де ашылады.