Украина президенті Зеленский Херсонға барды

Бүгін Украина президенті Владимир Зеленский Херсонға барып, қаланың Ресейден азат етілгенін жергілікті тұрғындармен мерекеледі. Айта кетсек, Херсон өткен аптада Киевтің бақылауына қайтарылды. Бұл – Украина армиясы үшін ақпаннан бергі ең үлкен әскери жетістік.

Зеленский халықпен, жауынгерлермен кездесуде осы сәттілік үшін НАТО мен АҚШ-қа және Американың «Хаймарс» зымыран жүйесіне алғыс білдірді. Және де ол Херсонның босатылуын-қарулы қақтығыстың аяқталуының бастамасы деп атап, елінің майданда алға басып жатқанын хабарлады.

Ресей өзінің 30 мың жауынгері мен 5 мыңдай әскери техникасын/ Херсоннан қарашаның 11-де ешқандай шығынсыз әкеткенін мәлімдеді. Алайда, украиналықтар/ ресейліктердің бей-берекетсіз қаруын тастап қашып, олардың кейбірі тіпті Днепр өзеніне батып кеткенін айтып отыр.

Арыстан Рысбек