Ресейдің Курск қаласындағы аэродром дронның шабуылына ұшырады

Ресейдің Курск қаласындағы аэродром дронның шабуылына ұшырап, мұнай қоймасы өртене бастады. Өткен тәулікте Саратов, Рязань облыстарында екі әуе базасына ұшқышсыз аппараттар соққы берген еді. 3 адам мерт болып, бомбалаушы ұшақтар зақымданған. Ресей қазан айынан бері Украинаның энергетикалық нысандарын қиратып жатыр. Дегенмен, Киев бұл жарылыстарға қатысы барын айтқан жоқ. Кейбір болжамдарға қарағанда, Украина мың шақырымға жететін дрон жасаса керек. Ал, «Гардиан» басылымының хабарлауынша, бұндай құрал келешекте Ресейдің Украинаға еш кедергісіз қанатты зымыран жаудыру мүмкіндігіне қауіп төндіруі мүмкін. 

Арыстан Рысбек