«Жан Шуақ» қоғамдық сыйлығының иегерлері марапатталды

Астанада «AMANAT» партиясының қолдауымен Қазақстан мүгедектер конфедерациясының «Жан Шуақ» қоғамдық сыйлығының лауреаттарын марапаттау рәсімі өтті. Шара 15 жылдан бері дәстүрлі түрде ұйымдастырылады. Мақсат-тағдырдың қатал сынына ұшыраған жандардың тұлғалық дамуы үшін жаңа мүмкіндіктерге жол ашу.

Биыл байқауға қатысуға еліміздің барлық өңірінен 100-ден астам өтінім келіп түскен. Соның ішінде үздік деп танылған 7 адамды «AMANAT» партиясының төрағасы Ерлан Қошанов марапаттады. Жеңімпаздардың әрқайсысы 1 миллион теңге көлеміндегі ақшалай сыйлыққа ие болды.

Ерлан Қошанов, «Аmanat» партиясының төрағасы:

«Жан Шуақ» іс-шарасына биыл 15 жыл толып отыр екен. Қаншама жаңа есімдер, жаңа тұлғалар өз ісімен, ерік-жігерімен бүгінде ел мақтанышына айналып отыр. Сіздер ешнәрсеге мойымай асқан рухтарыңыз бен қажыр-қайраттарыңыздың арқасында көпке үлге болып отырсыздар. Сіздерді сол үшін мақтан тұтамыз.

Асылбек Данияр