Путин өз әскеріне Украинадағы атысты 36 сағатқа тоқтатуға бұйрық берді

Ресей президенті Владимир Путин өз әскеріне Украинадағы атысты 36 сағатқа тоқтатуға бұйрық берді. Ол мұны Православтық Рождество мерекесіне орай қабылдаған. Кремль басшысы мәлімдегендей, Украинадағы ымыра қаңтардың 6-7-сі күндері болады. Алайда, Киев бұл ұсынысты қабыл алған жоқ.

Владимир Зеленский, Украина президенті:
Елімізге қарсы террорды жалғастырып, адамдарын қырғынға жіберіп, агрессияны тоқтату туралы ұсынысымызды қабылдамай отырғандар өмірді бағаламайды. Бейбітшілікке ұмтылмайды. Олар жауынгерлеріміздің Донбастағы ілгерілеуін тоқтатып, құрал-жабдықтарын, оқ-дәрілерін, әскерлерін позицияларымызға аз уақытта жақындатқысы келеді. Бұл оларға не береді? Шығыннан басқа ештеңе емес.

Батыс Киевке брондалған техника бермек

Ал, АҚШ пен Германия Украинаға «Брэдли», «Мардер» атты брондалған машиналарын беруге келісті. Мұны президент Джо Байден мен канцлер Олаф Шольц телефонмен сөйлескеннен кейін мәлімдеді. Берлин мен Вашингтон Киевке тағы бір «Пэтриот» батареясын жіберетін болды.

Арыстан Рысбек