Оңтүстік Кореяда алапат өрттен 40 үй жанып кетті

Оңтүстік Корея астанасы Сеулде алапат өрт шықты. Оттының неден тұтанғаны да әзірге белгісіз. 

Оқиға бүгін таңертең болды. Соңғы мәліметке қарағанда, 500-дей адам қауіпсіз жерге көшірілген. Жергілікті билік өкілдерінің айтуынша, 40 шақты үй күлге айналды. Ал өрт сөндіруге 140 маман тартылды.

Қаза тапқандар мен жараланғандар туралы ақпарат түскен жоқ. 

Арыстан Рысбек