Алматыда хиджапсыз шахмат ойнаған ирандық қыз Испания премьер-министрімен кездесті

Алматыда хиджапсыз шахмат ойнап, Испанияға қашқан ирандық Сара Хадем осы елдің премьер-министрі Педро Санчеспен кездесті.

Ислам Республикасының 25 жастағы азаматы Қазақстанда өткен чемпионатқа желтоқсанның соңында қатысты. Сол кезде ол елінде қабылданған дресс-код тәртібіне бағынбай, орамалсыз жүріп, әлем ақпарат құралдарының назарына ілікті. Турнирден кейін Сара Иранға бармай, Мадридке жетті. Оның айтуынша, хиджаппен өзін жақсы сезінбейді, сондықтан одан бас тартқан. Еске салайық, былтыр қыркүйектің ортасында Иранда орамалды дұрыс тақпады деген себеппен ұсталған 22 жастағы Махса Әмини полиция көлігінде қаза тапқан.

Арыстан Рысбек