Иранда әскери нысанға дрондармен шабуыл жасалды

Иран қорғаныс министрлігі Исфахан қаласындағы әскери зауытқа үш дронмен шабуыл жасалғанын және олардың біреуі құлатылып, екеуі жарылып кеткенін мәлімдеді. Шетелдік журналистердің дерегінше, бұл қастандықты Израиль ұйымдастырса керек. Ал, Израиль ақпарат құралдары Ислам Республикасына сәтті соққы берілгенін хабарлап отыр. Сонымен қатар, ел астанасы Тегеранда жарылыстар болды. Дегенмен, ешкім қаза таппаған.

«Әл-Арабия» телекомпаниясының хабарлауынша, Израиль Иранның әскери өнеркәсібін жою операциясына кірісті. Тель-Авив болса, бұған қатысты әзірге түсініктеме берген жасаған жоқ.

Айта кетсек, Ресей Иранда жасалған дрондармен қазаннан бері Украина қалаларын атқылап жатқаны белгілі.

Арыстан Рысбек