Макрон даулы заңға қол қойды

Бұл - Париж көшелерінде түсірілген кадрлар. Зейнетақы реформасына қарсы шеруді полиция күшпен таратты. Ал, президент Эммануэль Макрон миллиондардың наразылығына қарамастан, азаматтардың зейнет демалысына шығу жасын 62-ден 64-ке көтеру жөніндегі заңға қол қойды.

Мұның алдында құжатты Конституциялық кеңес мақұлдаған. Францияда шерулер қаңтардан бері өтіп жатыр. Соңғы тәуліктің өзінде Парижде 112 адам тұтқындалған. Макронның мәлімдеуінше, мұндай реформа зейнетақы қорын күйреуден қорғау үшін қажет. Ал, кәсіподақтар биліктен қаржыны үнемдеудің өзге жолын іздеуді талап етіп жатыр.

Арыстан Рысбек