Украинадағы соғысқа қатысқан қазақстандықтарға қатысты 10 іс тергеуге алынды

Украинадағы қарулы қақтығысқа 10 қазақстандық қатысып жатыр. Мұны Ұлттық қауіпсіздік комитеті мәлімдеді. Құзырлы органның дерегінше, қазір осы фактілер бойынша он қылмыстық іс тергеліп жатыр. Ал Украина Ресей әскеріне қарсы қарымта шабуылдарды сәуірдің 30-ында бастауы мүмкін. Мұны Американың «Ньюсуик» журналы жақында әлеуметтік желіге тарап кеткен 40 шақты құпия құжатпен танысқаннан кейін хабарлады. Жалпы алғанда, бұл операцияны украиналық 10 жедел корпус жүзеге асыруы мүмкін. Ал олардың әрқайсысына кіретін 9 бригада АҚШ пен оның одақтастары жеткізген қару-жарақпен қамтамасыз етілген.

Арыстан Рысбек