АҚШ-та ақша тапшылығы туды

АҚШ-та ақша тапшылығы туды. Қаржы министрі маусымда елде дефолт жариялануы мүмкін екенін мәлімдеді. Бірақ Ақ үй басшысы Джо Байден Конгресстің өкілдер палатасының спикері Кевин Маккартиге бұған жол бермеуге шақырды.

Қазір Құрама Штаттардың мемлекеттік қарызы 31 жарым триллион долларға жақындап қалған. Ал, федералдық төлемдерді толық жүзеге асыру үшін бұл қаражат жеткіліксіз. Сондықтан, аталған палата қарыз деңгейін тағы 1 жарым триллионға көтеру туралы заңды мақұлдады. Егер бұл құжат Сенаттан өтпей қалатын болса, АҚШ-та есеп айрысатын қор таусылуы ықтимал. Мұндай жағдайда Америка өзінің 250-жылдық тарихында алғаш рет қаржылық міндеттемелерін орындауға қауқарсыз елге айналмақ.

Арыстан Рысбек