Ғалымжан Қырықбай – Қазақ күресінен «Қазақстан барысы» турнирінде топ жарды

Ғалымжан Қырықбай – Қазақ күресінен «Қазақстан барысы» турнирінде топ жарды. «Әскер барысы» атынын күрескен ол- екі аптаның ішінде қос додадаға қатысып, асығы алшысынан түскен бірегей балуан атанды. Жалпы, он екінші мәрте ұйымдастырылып отырған жарыста еліміздің әр өңірінен іріктелген 41-ге жуық спортшы абсолютті салмақ дәрежесінде өзара мықтыны анықтады.

Ғалымжан Қырықбай, «Қазақстан Барысы-2023» турнирінің жеңімпазы:

Былтырғы жылы үшінші орын алғанмын, алдыңғы жылы екінші орын алғанмын, осы бірінші орын жетпей тұрған Аллаға шүкір енді осы бұйырып бірінші орын алдым.

Жарыс қорытындысы бойынша Ғалымжан Қырықбай алтын белбеу, тайтұяқпен қоса жеңімпазға тиесілі 25 миллион теңгені қанжығалады. Қарт Каспидің толағайы маңғыстаулық Нұрдәулет Жарылғаповқа 5 жарым, ал Павлодар облысының өкілі Мұхтар Дәлелханұлына 1 миллион 800 мың теңгеден бұйырды.