Астанада ОА елдері сот жүйесіндегі тәжірибелерімен алмасуда

Шетелдік сот органдары қазақстандық жүйенің цифрландырылу тәжірибесіне қызығушылық танытып отыр. Астанада өтіп жатқан Орталық Азия елдерінің қылмыстық сот төрелігі бойынша сараптамалық форумда мамандар осылай деді. Жалпы соңғы реформа елдегі сот жүйесін едәуір алға жылжытқан.

Үш буынды сот жүйесі, кассациялық соттың қолжетімділігі және саланы гуманизациялау халықаралық рейтінгте жоғары көтерілуімізге серпін берген. Заң үстемдігі бойынша қазір 142 елдің ішінде 65 орындамыз. Қазақстандық мамандар да өзге елдердің озық тәжірибесін форум аясында зерттейді. Форум екі күнге жалғасады.

Еркеш Мәуен, ҚР Жоғарғы сотының судьясы:

Бұл форумда көптеген мәселелер талқыланады қылмыстық сот төрелігі бойынша. Біз бұл форумда талқыланатын сұрақтар бойынша өзімізге қандай реформалдар тиімді сол жағын қарастырамыз да, ең алдыңғы деген тәжірибесін алмасып отырамыз.

Оңғар Алпысбай