Риддердегі емхананың құрылысы келесі жылы аяқталады

Риддердегі көпсалалы емхананың құрылысы келесі жылы аяқталады. Өңірде 200 орынға арналған, бір күнде 500 адам қабылдайтын емханананың құрылысы тұралап қалған. Оған себеп – қаржы жетіспеушілігі.

Енді Мемлекет басшысының тапсырмасы нәтижесінде қайтарылған активтерден 28 миллиард теңгеден астам қаражат бөлінетін болды. Айта кетейік, кеншілер қаласында өндіріс орындары көп. 55 мың адам тұрады.

Айна Хасенова, қала тұрғыны:

Бұл жерде 500 адамға арналған поликлиника және 200 орындық больница салынып жатыр. Оған біз өте қуаныштымыз. Бұл больница бізге керек. Біздің Риддер қаласының халқына керек. Ескі больницалар істен шықты. Қазір енді мына больницаға ақша бөлініп жатыр деді.

Динара Жарқынбек