Алматыға он миллионыншы жолаушы ұшып келді

Алматы халықаралық әуежайына 10 миллионыншы жолаушы ұшып келді.

Ойламаған жерден олжаға кенелген Шолпан Садықова, «Шымкент-Алматы» бағытымен ұшып келді. 47 жастағы Алматы тұрғыны ата-анасымен бірге Сарыағаш шипажайынан демалып келе жатқанда, осындай тосынсыйға тап болған. Алматы халықаралық әуежайының мәліметінше, биыл жолаушылар ағыны былтырмен салыстырғанда 21%-ға өскен. Жаңа халықаралық терминалдың іске қосылуымен әуежай 14 млн жолаушыға дейін қызмет көрсетуге қауқарлы. 10 миллионыншы жолаушыға әуежай басшылығы екі кісіге арналған демалыс сертификатын табыстады.

Шолпан Садықова, он миллионыншы жолаушы:

Толқып тұрмын, осындай тосынсыйды күтпеген едім. Грузияға екі жолдама алдым, анаммен бірге барамын.

Жазира Оразқызы