Биыл Елордада тұмау жұқтырған науқастар саны көбейді

Биыл Астанада тұмау мен жедел респираторлы вирусты инфекция жұқтырғандардың саны көбейді. Өткен аптада жұқпалы дерт 7 мыңнан астам адамнан анықталған. Қалалық қоғамдық денсаулық сақтау басқармасы өкілдерінің ақпаратынша, науқастардан алынған талдау сынамасының нәтижесі тұмаудың мутацияланған түрінің көбейгенін көрсеткен. Оның ішінде: парагрипп, риновирус, аденовирус, бокавирус, коронавирус, МС-вирус, микствирус-9 сияқты вирус түрлері бар. Дәрігерлердің айтуынша, науқастардың көпішілігі вакцина салдырмаған. Ауруханаға түсіп жатқандардың арасында балалар көп, дейді. Басым бөлігі дамуы тежелген балалар.

Жомарт Убайдаев, дәрігер-инфекционист:

Ең көп кездесетін асқыну белгілері балаларда ентігудің пайда болуы. Яғни балалар жөтелген кезде ентігіп, бет-ауызы көгеріп кетеді. Егер, инголятор қоспасақ, гормондарды, адреналин қоспасақ пневманияның асқынған түріне айналып кететін ентігулер көп келеді. Және де екінші асқыну құлақтың ортаңғы бөлігінің қабынуы.