Оралда көпбалалы отбасының балаларына арналған жаңа жылдық шырша ұйымдастырылды

Оралда мүгедектігі бар және көпбалалы отбасылардың ұл-қыздарына арналған қала әкімінің жаңа жылдық шырша мерекесі ұйымдастырылды.

Мерекелік шарада ертегі кейіпкерлері тосынсый жасап, базарлықтарымен қуантты. Жеткіншектер шыршаны айналып, ән шырқап, би биледі. 250-ге жуық балаға әкімдік атынан тәттілер таратылып, сый-сияпат берілді. Аяз ата мен Ақшақар да ұл-қыздарды мерекелік көңіл-күйге бөледі. Балалар сабақтағы, өнердегі жетістіктерін айтып, өлең-жыр оқыды. Жаңажылдық тілектерін айтты.

Қанағат Айтжан, оқушы:

Бүгінгі шырша мерекесі керемет болды. Маған қатты ұнады. Наруто, жылан, ұлу кейіпкерлері ұнады. Ән айттық, би биледік, бізге тәттілер мен сыйлықтар берді.

Айша Жамбылова, оқушы:

Менің биылғы жетістігім сабақты 5-ке оқып бітірдім және де көптеген олимпиадада жақсы орын алып, мектебіміздің мерейін көтердім. Достарыма, туыстарыма бақыт, қуаныш тілеймін, құрдастарымның сабақтарын жақсы оқуына және жетістіктерге жете беруіне тілектеспін.

Ардақ Мұратқызы