Сербия саясаттанушылары Жолдауға үн қосты

«Қазақстан жасанды интеллектті жаппай қолдану арқылы экономикалық дамудың жаңа кезеңіне өтеді». Сербиялық саясаттанушы Душан Пророкович осылай дейді. Халықаралық саясат және экономика институтының аға ғылыми қызметкері Президент Қ.Тоқаев Жолдауының жаһандық маңызға ие екенін айтады. Оның пайымынша, «Құжат қазіргі заманның қауіп-қатерлері мен тәуекелдеріне толықтай жауап беретін стратегиялық сипатқа ие».

Душан Пророкович, Сербия мемлекеттік халықаралық саясат және экономика институтының еуразиялық зерттеулер орталығының жетекшісі, саясаттанушы:

Президент Тоқаев халықаралық қатынасты жақсы білетіндіктен оның әр сөзі әлемдік саясаттың жай күйін бейнелейді. Оның Еуропалық көшбасшылардан ерекшелігі де сол, тұрақтылықты сақтау үшін ұтымды шешім ұсына біледі. Қазақстан жасанды интеллект пен цифрландыруды қолдану арқылы экономикалық дамудың жаңа кезеңіне өтуде. Біз сияқты Балқан тұрғындары үшін Қазақстанның тәжірибесін зерделеу өте пайдалы. Себебі, біз де қазір дәл осындай дилеммаға тап болдық.

Нұрсұлу Қасым