Бір палаталы Парламент құру – сенімге негізделген қадам

«Қазақстанда бір палаталы Парламент құру сенімге негізделген қадам». Орталық Азия елдері бойынша еуропалық сарапшы Дерия Сойсал осылай дейді. Оның айтуынша, Еуропа мемлекеттері мұндай жүйені экономикалық артықшылықтарға байланысты таңдаған. Қазақстанның да осындай институционалды реформаны жүргізуі елдегі адам құқықтарын қорғау мен демократияның дамуына серпін береді,  дейді сарапшы.

Дерия Сойсал, «Euro Reflect» басылымының басқарушы редакторы, Орталық Азия елдері бойынша тәуелсіз сарапшы:

ЕуроОдақтағы Грекия, Португалия және Скандинав елдері бір палаталы жүйені енгізген. Сенатты қысқарту заң қабылдауды жеделдетіп, шектен тыс бюрократияны жояды. Экономикалық шығындар азайып, бюджет тиімділігі артады. Осылайша ел бұдан қомақты пайда көреді. Сондықтан Қазақстанда бір палаталы жүйеге көшу институционалдық өзгерістерге, парламентаризм үшін бірқатар артықшылықтарға жол ашады.

Нұрсұлу Қасым