Аланияда орман өртеніп, тұрғындар көшірілді

Түркияның Анталия аймағында орман өрті өршіп, Алания қаласының тұрғындары қауіпсіз жерге көшіріле бастады. Бірнеше сағаттан бері жүздеген өрт сөндіруші мен арнайы техника жалынмен алысып жатыр. Жергілікті тұрғындар да өз күштерімен өртті сөндіруге тырысуда. Қатты желдің кесірінен өршіген от тұрғын үйлерге қауіп төндіргендіктен, жергілікті билік 100-ден аса үйдің адамдарын көшіру туралы шешім қабылдады. Қаланың кей аудандарында электр жарығы өшірілді. Дегенмен мамандар әзірге өрттен бір үйге ғана зақым келгенін айтып отыр.