Хоккейден Қазақстан құрамасы үшінші ойын қатарынан жеңіске жетті

Хоккейден Қазақстанның құрама командасы қатарынан үшінші жеңіске жетті. Олар кеше оңтүстіккореялық спортшыларды 4:1 есебімен тізе бүктірді. Отандастарымыз ойынды өткір шабуылдармен бастап, басымдық танытты.

Алғашқы гол 4-ші минутта, екіншісі 17-ші минутта соғылды. Екінші кезеңде жерлестеріміз есеп айырмасын 3:0-ге жеткізді. Үшінші кезеңде Корея құрамасы 1 шайба соғып, есепті қысқартқанымен, 53 минутта жерлестеріміз қарсыластарының қақпасынан 4 саңылау тапты.

Қазір турнир кестесінде Қазақстан 2-орында тұр. Беларусь құрамасы доп айырмасымен ғана алда.

Оңғар АЛПЫСБАЙҰЛЫ