Басты Жаңалықтар Рудный қаласында жоғалған 7 жастағы қыз әлі іздестірілуде

Рудный қаласында жоғалған 7 жастағы қыз әлі іздестірілуде

28.04.2014 05:30

Қостанай облысының Рудный қаласында жоғалған қыз баланы іздеу жұмыстары жалғасуда. 7 жастағы Виктория Ганя 24 сәуір күні ойын алаңына кеткеннен үйіне қайтып оралмаған.

Қасында болған құрбыларының айтуынша, балдырғанды еуропа нәсілді ер адам ертіп кетіпті. Ол ойын баласын «Ірі шаяндар жүретін жерді көрсетемін», деп еліктірген. Қазір Викторияны іздеуге полиция қызметкерлерінің сыртында 3 мыңнан аса еріктілер жұмылған.

Бүгін «Рудный-Лисаков» тасжолының бойынан жоғалған қыздың орамалы табылды, деген ақпарат шықты. Бірақ, бұл мәліметті полиция ресми түрде растамады.

«Тергеуге кесір келтірмеу үшін осы іске қатысты қандай да деректер құпия сақталады», дейді құқық қорғаушылар.

Әділбек Нұрмахин, облыстық ІІД баспасөз хатшысы:

Викторияның құрбыларының айтуынша, күдіктінің фотороботы жасалды. Аталмыш фоторобот Рудный қаласына таратылды және әлеуметтік желілерге орналастырылады. Полицияның ақпараты бойынша, күдікті 30-35 жастағы орта бойлы еуропалық. Оқиғаға үстіне қара түсті былғары куртка, көк джинсы шалбар киген ер адамның қатысы болуы мүмкін.

Дәуренбек ӘБДІБЕК

Автор

Дәуренбек Әбдібек

Бөлісу