Басты Жаңалықтар Баянауылда өндірілген кірпіш Астанаға тасымалданады

Баянауылда өндірілген кірпіш Астанаға тасымалданады

17.06.2014 08:00

Павлодардан Елордаға жөнелтіліп жатқан өнім түрлері бірнеше есеге ұлғайды. Астанаға негізінен құрылыс материалдары тасымалданады. Олар: өндірісте құйылатын арматура, темір-бетон және ағаштан дайындалатын бұйымдар.

Екібастұз, Павлодар қалаларында шығарылатын кірпіш жіберіліп жатыр. Енді, Астанада салынып жатқан ғимараттар құрылысына Баянауылда күйдірілген кірпіш тасымалданатын болады.

Жергілікті кәсіпкер шағын зауыт салып, еліміздің бас қаласындағы ірі құрылыс компанияларымен келісім шарт жасады. Әрине, жердің шалғайлығынан тасымал қымбатқа түскенімен, Баянауыл кірпішінің сапасы өте жоғары.

Яғни, қоспасы аз, табиғи өнім. Майқайыңның қиыршық тасы үгітіліп, Лекер ауылы аумағындағы қыш топырақпен иленеді.

Нұрсағат Сүлейменов, ауысым басшысы:

Соның бәрін қосып, біз құйма істеп, кірпіш шығарамыз. Бір салғанда 2 минут ішінде 4 кірпіш шығады. Күніне 500-ден 1000 кірпішке дейін шығарамыз.

Жұмабай Сүлейменов, кәсіпкер:

Негізгі құрамы табиғи тас болғандықтан, өніміміз өте сапалы. Бірер уақыттан соң зауытты ұлғайтамыз. Өндіріс қуаттылығы әзірге астаналық компаниялардың тапсырысы ауқымында ғана жұмыс істеуге мүмкіндік береді. Сонау Баянауылдан Елорданың дамуына үлес қосқанымызға қуанамын.

Болат АМАНБАЕВ

Автор

Болат Аманбаев

Бөлісу