Павлодарда мемлекеттік тілді трамвайда үйренуге болады

Бүгін Павлодар көшелерінде мемлекеттік тілді үйрететін «сөздік-трамвай» жүре бастады.

Жолаушы тасымалына лайықталған көліктерде күнделікті өмірде көп қолданылатын сәлемдесу, аман-саулық сұрасу, құттықтау, қарым-қатынас жасауға қажетті сөздердің орысша-қазақша аудармалары жазылған.

Бұл бастаманы облыстық Тілдерді дамыту басқармасы және трамвай паркі көтерді.

Сонымен қатар, «Тілашар трамвай» ішіне электронды сөздік орнатылады.

Болат АМАНБАЕВ