Алматы облысындағы 440 мың отбасының үштен бір бөлігі ауылды жерде тұрады

Өңір басшысы Амандық Баталов Отбасы күні қарсаңында 16 аудан мен 3 қаладан келген үлгілі отбасылық жұптарды қабылдады.

Көпбалалы шаңырақтан шыққан әкім үшін де бұл мерекенің орны ерекше. 35 жыл бұрын оның әулеті де «Алтын шаңырақ» атты отбасылық байқаудың жеңімпазы атанған.

Облыс басшысы өңірдің әлеуметтік-экономикалық даму жоспарына шолу жасай отырып, еліміздің өркендеуінде әр бір отбасының елеулі үлесі бар екенін атап өтті.

Ерлі-зайыптыларды төл мерекелерімен құттықтап, сый-сияпат көрсетті.

Қуаныш ҚАНАТҰЛЫ