Павлодарда кран құлап жұмысшы қайтыс болды

Павлодардағы құрылыс нысандарының бірінде 46 жастағы азамат қаза тапты. Алдын-ала мәліметке қарағанда оқиғаның орын алуына техникалық қауіпсіздік ережелерінің сақталмауы себеп болған.

Нақтырақ айтқанда жүк көтергіш кранның мойын темірі опырылып түскен. Бұл техника «Қаби-стройсервис» ЖШС-не тіркелген. Соңғы рет техникалық байқаудан қай мезгілде өткені белгісіз. Жүк көтергіш кран бірнеше айлар бойы халыққа қызмет көрсету орталығы құрылысына пайдаланылыпты.

Болат АМАНБАЕВ