Қостанай облысында күре жолдың бойында медициналық-құтқару бекеті жұмыс істейді

Оның міндеті - жол-көлік апатында және табиғи, техногенді сипаттағы төтенше жағдайларда жолаушыларға жедел жәрдем көрсету.

Құтқару бекеті - Қостанай қаласынан 50 шақырым қашықтықта, Алтынсарин ауданының аумағында орналасқан. Мұнда  2 ауысыммен 10 адам жұмыс істейді. Әр ауысымда дәрігер, фельдшер, фельдшер-диспетчер, жүргізуші және құтқарушы қызмет етеді.

Алғашқы ақтүтек боранда бекет мамандары  апатқа түскен жолаушыға жедел жәрдем көрсетіп, өз міндеттерін мүлтіксіз атқаратындарын дәлелдеді.

Дәуренбек ӘБДІБЕК