Қостанайлықтар Ішкі істер органдарына 70-тен астам қару тапсырды

Соңғы екі аптаның ішінде Қостанай қаласының тұрғындары полицияға 70-тен астам атыс қаруын  тапсырған. 

Үкімет қаулысына сәйкес, биылдан бастап, азаматтар қолдарындағы  газды және жарақат салатын қаруларды Ішкі істер органдарына өткізуі тиіс. 

Ерікті түрде әкелгендерге  өтемақы қаралған. Жасырып қалғандар кейін жазаға тартылады.

Өтемақы газды не атыс қаруының  түріне, басқа да ерекшеліктеріне байланысты, 25 мыңнан 219 мың теңге аралығында төленеді.

Дәуренбек ӘБДІБЕК