Қостанайдағы Заречный жаңа шағын ауданы инфрақұрылыммен қамтылмаған

Қостанай қаласының іргесіндегі Заречный ауылында ауызсусыз отырған үйлер бар. Себебі соңғы жылдары салынған жаңа шағын аудан инфрақұрылыммен толық қамтылмаған.

Мұндағы жұрт суды тасып ішеді. Көшелер асфальтталмағандықтан автобус та қатынамайды. Ал,тас төселген көшедегі аялдамаға жету қиын. Сондықтан тұрғындардың дені межелі жерге жеке көліктерімен немесе жаяулап барады.

Ауыл әкімі 2014-ші жылы 348 миллион теңгеге су құбырын тартуға, 203 миллион теңгеге газ құбырын тартуға жоба жасалып, қабылданғанын айтады.

Бірақ жоба дайын болғанымен құрылыс жұмыстары 2016-шы жылы басталып, 2018 жылға дейін жалғасады.

Дәуренбек ӘБДІБЕК