Ұлттық арнадағы сюжеттен кейін Алматы облысы Ескелді аудандық прокуратурасы әлеуметтік қызметкерлерге жалақысын алып берді

Алматы облысында «Жалақымызды ала алмай жүрміз» деп арнамызға хабарласқан әлеуметтік қызметкерлерге еңбекақысы төленді. Материал эфирге шыққаннан кейін, құзырлы орган өкілдері кешенді тексеріс жүргізіп, заң бұзу фактілерін анықтады. Ескелді аудандық прокуратурасы облыстық Еңбек инспекциясымен бірлесіп, қызметкерлердің жалақысын кешіктірген Жұмыспен қамту және әлеуметтік бағдарламалар бөлімін әкімшілік жазаға тартты.

Қуаныш ҚАНАТҰЛЫ